Si Hon. Joedel Caasi wala gayod mag makuli sa paghatag sa maong gamit. Pinaagi sa iyang MBN program, naningkamot siya sa pagpalit ug mga gamit sa panglawas. Matod pa ni Hon. Caasi "bisan unsa ka gamay sa pondo basta e prioritize ang gikinahanglan kaayo sa mga tao, mapuslan ug mabulokon ang sangputan kay kini tinuoray man nga pag serbisyo". Kung mahinumduman, naghatag pud ug tanke sa tubig si Hon. Caasi niadtong miaging tuig, mga hollow blocks, ug ang megaphone ug stethoscope karong tuiga. Nag pa-ila lamang nga haduol ang iyang dughan ngadto sa mga kabus nga mga kaigsoonan, isip pud yano nga tao sa hawanan sa konseho.

Bulan sa hunyo 2007 nakadawat usab (4th batch na kini) ang 58 ka pamilya ug galvanize iron ang mga resettlement beneficiaries sa mao gihapong dapit pinaagi sa Task Force on Housing ang Resettlement diin si Hon. Caasi ang Action Officer ug si Hon. Rey T. Uy ang Chairman isip mayor.

Kun mahinumduman nato sa miaging tuig, tulo (3) na ka hugna ang paghinatagay ug mga galvanize iron. Kini naka tabang sa paghuman sa ilang mga balay puloy-anan. Ang suporta sa Lokal nga Panggamhanan sa Tagum, ang 301 ka pamilya nga naa didto, ubay-ubay na ang nahatagan ug mga construction materials. Aduna pay umaabot nga mga galvanize iron ngadto sa lain na usab nga mga households hangtod maapod-apod ang tanan. Busa, ang matag pamilya makaangkon ug 14 ka pligo.

Ang opisina sa CAGRO naghatag usab sa mga gulay nga similya (assorted seeds) aron matanom sa backyard garden sa mga lumulopyo. Ang similya naglangkob ug pechay, upo, ampalaya, okra, talong, atsal, upland kangkong, kalabasa ug batong. Kini nga programa mao ang post relocation intervention sa atong mga kaigsoonang kabus. Ubay-ubay na ang na ani gikan sa pagtanom ug adunay plano pa nga nindot (rehabilitate) niining mga backyard gardening matod pa sa CAGRO staff.